skrítið

... ég er bara alveg steinhætt að blogga síðan ég var í feneyjum.

kannski kemur einhverntíma aftur tímabil þar sem ég verð æstur og afkastamikill bloggari en þar til bið ég ykkur adjö

ást og virðing

g. 


Hvað á maðurinn við?

Hvað ætli biskup eigi við með því að tíðarandinn í dag leitist við að ræna karlmann karlmennsku sinni?

Þetta er verulega spennandi, ég er afar forvitin að vita hvað biskup íslands, forseta og fána, hafi verið að hugsa þegar hann skrifaði þessi orð. Ætli hann sé svona gjörsamlega úr tengslum við tíðarandann. Hvað á maðurinn við?

Hvernig leitast tíðarandinn við að ræna karlmann karlmennsku sinni? Með því að leitast við að jafna kynjahlutverkin, með því að það sé sjálfsagt að karlmenn séu virkir þátttakendur í fæðingarferlinu og uppeldi barna sinna á heimilinu frekar en að einbeita sér að því vera fyrirvinnur og þöglir, sterkir og verndandi. Nei, hann virðist ekki eiga við það, því hann talar um að Jósep hafi staðið sig vel á þeim vígstöðvum... Kannski er hann að tala um metrosexualisma, biskupinn vill kanski ekki að karlmenn fari í manikjúr og petikjúr og láti fjarlægja líkamshár? Ef hann á við það þá er ég sammála honum. Mér er meinilla við hárlausa karlmannslíkama og (of) vel snyrtar karlmannshendur..

Honum virðist finnast karlmenn útundan í samfélaginu, það er skrítin hugleiðing, eru karlmenn útundan? Hm... hvernig? Hann virðist hálf súr því það séu til svo fá málverk af Jósep greyinu sem stóð sig svona vel einsog margir nútíma karlmenn sem ala upp annara manna börn sem sín eigin. Jósep var nútímalegur.

Ég skil ekkert í því að hann sé eitthvað súr útaf því samt. Ég er frekar súr yfir því að kristni murkaði lífið úr kvenfólki á miðöldum en jæja við sættum okkur við það með titrandi hjarta í kristilegum kærleika í dag. 

Kannski finnst honum vera svona gengdarlaus pressa á karlpeningnum... Vera fyrirvinna, vera verndandi og sterkir en samt mjúkir og skilningsríkir, vera virkir á heimilinu en samt með carríer... þetta er pressa okkar allra svosem svo það er ekkert sérstaklega karlmannlegt við þessa pressu... Hann kannski skilur það ekki...?

Það er náttúrulega hægt að losna við þessa pressu með því að ganga í barndóm og verða sem ungbarn á ný með trúna við hjartað (þá er nú hárleysið og mjúk húð ekki verri uppá stemmninguna svo metrosexualismi hjálpar þar...) 

En já, maður spyr sig, hvað á maðurinn við? Þetta er stórmerkileg ræða og ég er viss um að öll karlmanns hjörtu og öll hjörtu yfirhöfuð, í dómkirkjunni, hafi titrað í spurn á jólanótt.

Gleðileg jól öllsömul.


mbl.is „Mér er hann Jósef eitthvað svo hugstæður í seinni tíð“
Tilkynna um óviðeigandi tengingu við frétt

Ég vil vita meira...

Afhverju var honum fylgt í vélina af lögreglu og öryggisvörðum frá Beríln?

Var hann íslenskur?

Tók lögreglan á Suðurnesjum á móti honum vegna þess að áhöfnin hringdi eða vissu þeir af komu hans í gegnum berínsku lögguna?

Spennandi svona ósvífið fólk. 

 

 


mbl.is Kveikti sér í sígarettu við flugtak
Tilkynna um óviðeigandi tengingu við frétt

KALLI TOMM EEEERRR....

byrja núna!

skapari.com

Heiglar.

Skammist ykkar, réttast væri að rasskella ykkur. Fariði heim til mömmu ykkar og grátbiðjið hana að kenna ykkur mannasiði.

Ég, Gunnhildur Hauksdóttir, skora hér með á hálfvitana sem halda úti heimskunni á skapari.com að halda henni úti undir nafni.

Fyrst heimska átrúnaðargoðið ykkar, yfir-fíbblið, Hal Turner gerir það þá ættuð þið að gera það líka.

Týpískt að þið hóstið síðuna á privatewebhosting.org
-"private" afþví þið eruð svo hrædd lítil fíbbl-  

Vefsvæði sem H.T er með í einkaeign.

Private Web Hosting
"a private membership organization for straight, white, non-jews"

Hér gefur að líta hvað fíbblin þurftu að fylla út til að opna síðuna sína. Þeir þurftu að svara þvi hvort þeir væru gyðingar, hvitir, hommar... osfrv. tékkið á þessu umsóknareyðublaði... makalaust. Eins gott að litlu fíbblin komi ekki útúr skápnum í millitíðinni því þá þurfa þeir að borga þúsund dollara í sekt fyrir hvern mánuð sem þeir héldu síðunni úti. Hann er ekki bara orðheppinn hann Hal okkar Turner hann er þræl-sniðugur, það er peningur í þessu.  

Svo er hann svo lunkinn að baktryggja sig "lagalega"... Ef einhver aðili sem er honum ekki að skapi skyldi reyna að gabba sig inn á svæðið hans.

CONTRACT PENALTIES:

1) All fees previously paid by me for web hosting shall have been considered discounted fees for qualified members and I agree to re-imburse Private Web Hosting a fee equal to One-THOUSAND U.S. DOLLARS (US$1,000.00) for each month or portion thereof that my web site Primary Domain was hosted,  AND;
2) I agree to immediately surrender and turn over ownership of the Domain name which was hosted, to become the sole and exclusive property of Private Web Hosting AND;
3) I waive my right to trial and authorize any Court of Law in The United States or Court within my Country of Origin, to enter the penalties above as a Civil Judgment against me personally, without trial, and agree not to contest such civil judgment or collection of same, AND;
4) I admit that any falsehoods or misrepresentations by me are intentional fraud not dischargable in Bankruptcy, AND;
5) I waive my right to contest ownership of my domain name and authorize all Internet Dispute Resolution Agencies to award ownership of my Domain Name to Private Web Hosting, without trial or investigation.
 
Það væri gaman að sjá þetta fara fyrir dómstóla.

Það stendur ekki steinn yfir steini í fræðum ykkar, komið fram undir nafni!
Voruði að mennta ykkur í Creationisma...? Agalega sannfærandi. Þorskhausar!
Í guðsbænum bakkið útúr þessari vitleysu.

Svei!


í guðs nafni

amen

mbl.is Þáði ekki blóð og lést af barnsförum
Tilkynna um óviðeigandi tengingu við frétt

B.I.B.L.I.A. Er bókin bókanna.

Biblían er svo skemmtileg.

Mikið væri dásamlegt ef við værum öll nakin í paradís að klappa ljónum og borða ávexti allan guðslangan daginn. Óþekktin í Evu að hlusta á höggorminn og borða af skilningstrénu bara vegna þess að henni fannst það girnilegt til fróðleiks.
Þetta er alveg endalaust skemmtileg saga. Sagan um paradís og fall mannsis. Hreint út sagt dásamleg.

Hvað hefði gerst ef hún hefði ekki gert þetta? Við öll í paradís eins og börn...
Hvað hefði gerst ef bara hún hefði gert það og Adam hefði sagt nei takk? Evurnar stjórnuðu þá heiminum og mennirnir .... væru þá naktir með gæludýrunum að maula (lífrænt ræktaða) ávexti... mmh, ekki alslæm hugmynd...
Við Evur kæmum heim eftir erfiðan vinnudag og mjúkt ljón biði okkar til að klappa yfir fréttunum og nakinn maður væri..tjah útí sandkassa sennilega... oh well.
Svona er endalaust hægt að halda áfram í ganni en fór sem fór.

"Höggormurinn var slægari en öll önnur dýr merkurinnar, sem Drottinn Guð
hafði gjört. Og hann mælti við konuna: "Er það satt, að Guð hafi sagt:
,Þið megið ekki eta af neinu tré í aldingarðinum'?"
Þá sagði konan við höggorminn: "Af ávöxtum trjánna í aldingarðinum megum
við eta, en af ávexti trésins, sem stendur í miðjum aldingarðinum, ,af
honum,' sagði Guð, ,megið þið ekki eta og ekki snerta hann, ella munuð
þið deyja.'"
Þá sagði höggormurinn við konuna: "Vissulega munuð þið ekki deyja! En
Guð veit, að jafnskjótt sem þið etið af honum, munu augu ykkar upp
ljúkast, og þið munuð verða eins og Guð og vita skyn góðs og ills."
En er konan sá, að tréð var gott að eta af, fagurt á að líta og
girnilegt til fróðleiks, þá tók hún af ávexti þess og át, og hún gaf
einnig manni sínum, sem með henni var, og hann át. Þá lukust upp augu
þeirra beggja, og þau urðu þess vör, að þau voru nakin, og þau festu
saman fíkjuviðarblöð og gjörðu sér mittisskýlur." ...úbbosí þetter soldið vandræaðlegt elskan, við erum nakin..

Hvernig vissi höggormurinn þetta, hann hlýtur að vera guð. Þetta var áður en Lúsífer féll af himnum ekki satt? Svo ekki var þetta hann... enigma... ábyggilega margir spurt sig að þessu, getur einhver svarað mér?

Afleiðingarnar urðu m.a. þessar eftir að Guð yfirheyrði þau um málið og þau neituðu sök nema grey höggormurinn.

"Þá sagði Drottinn Guð við höggorminn: "Af því að þú gjörðir þetta, skalt
þú vera bölvaður meðal alls fénaðarins og allra dýra merkurinnar. Á
kviði þínum skalt þú skríða og mold eta (?) alla þína lífdaga. Og
fjandskap vil ég setja milli þín og konunnar, milli þíns sæðis og hennar
sæðis. Það skal merja höfuð þitt, og þú skalt merja hæl þess."
(Ég skil þetta ekki alveg með snáka sæðið og hælinn og marða höfuðið en það er rétt að mér er meinilla við höggorma og forðast þá en veit ekki til þess að þeir borði mold...)

"En við konuna sagði hann: "Mikla mun ég gjöra þjáningu þína, er þú
verður barnshafandi. Með þraut skalt þú börn fæða, og þó hafa löngun til
manns þíns, en hann skal drottna yfir þér."
(Þarna er ég í verulegum vandræðum)

"Og við manninn sagði hann: "Af því að þú hlýddir röddu konu þinnar og
ást af því tré, sem ég bannaði þér, er ég sagði: ,Þú mátt ekki eta af
því,' þá sé jörðin bölvuð þín vegna. Með erfiði skalt þú þig af henni
næra alla þína lífdaga. Þyrna og þistla skal hún bera þér, og þú skalt
eta jurtir merkurinnar. Í sveita andlitis þíns skalt þú neyta brauðs
þíns, þangað til þú hverfur aftur til jarðarinnar, því að af henni ert
þú tekinn. Því að mold ert þú og til moldar skalt þú aftur hverfa!"
(Allt Evu að kenna)

Afsakið það við mig að ég er að peista hérna inn langar runur af biblíutextum. Kannski finst ekki öllum þessir textar jafn dásamlega skemtilegir og mér. Það má svo nálgast þetta alltsaman hér

Sverrir Stormsker, ómægad hvað hann er kærkomin viðbót á moggablogg.

Hann bara skrifar svo algerlega endalaust frábæran pistil um hjónabönd samkynhneigðra í Guðs húsum hér á vefnum að það hálfa væri nóg. Og þá komu alskonar komment hjá honum um að þetta og hitt stæði ekki í biblíunni og það bara er ekki rétt.

Ég gáði.

Lög Móse, sem komu samkvæmt áreiðanlegum heimildum frá Guði og þá væntanlega til þessa að túlka nánar boðorðin, eru ansi berorðuð um málið í þriðju mósebók undir kaflanum um kynlíf og reyndar á fleiri stöðum.

Það stendur t.d. í boðorðunum að þú skulir ekki morð fremja, en svo eru alskyns stórmerkilegar undantekningar í lögunum. T.d. ef nautið þitt, sem þú ert ábyrgur fyrir, stangar einhvern til dauða, þá á að grýta nautið og ekki borða kjötið af því. Ef þú, bóndinn, koksar á þessu og það stangar mann eða konu til dauða aftur, þá á að grýta nautið og lífláta þig. Nema það sé hægt að komast að samkomulagi við þig, eiganda nautsins, um greiðslu fyrir lífið sem lést.

Í öllu falli stendur að það megi lífláta bóndann ef nautið hans er með vesen og það vill svo óheppilega til að hann er blankur.... (Exodus 21:28-31)

Önnur undantekning eru menn sem liggja með kynbræðrum sínum sem konur væru. Þar er ekkert hægt að díla með greiðslur eða fórnir.

"Eigi skalt þú leggjast með karlmanni sem kona væri. Það er viðurstyggð"
(Þriðja Mósebók 18-22)
"Og leggist maður með karlmanni sem kona væri, þá fremja þeir báðir viðurstyggð. Þeir skulu líflátnir verða, blóðsök hvílir á þeim."
(Þriðja Mósebók 20-13)

(Einsog kynlíf milli tveggja karla hafi eitthvað með konur að gera)

Þetta er fínt fyrir homma, ef þeir geta klárað dæmið standandi þá eru þeir safe... Bara ekki liggja... og konur eru algerlega utanvið þetta þannig að það er ekkert því til mótstöðu að gifta lesbíur í kirkjum
umsvifalaust því það er ekki stafur um að þær meigi ekki liggja með hvorri annari hvorki sem konur væru né sem karlar væru.

Það er náttúrulega hægt að túlka þetta á ýmsan hátt... strákar ættu í öllu falli að forðast aðstæður þar sem þeir þurfa að liggja saman (því það er orð guðs: "liggja" það stendur ekki beint að þeir þurfi að
elskast til að vera fordæmdir) þannig að útilegur, skátaferðalög, sumarbúðir, veiðitúrar, rúm, sófar... osfrv eru þá væntanlega óheppilegar aðstæður.

Klósett, flugvélar, uppvið vegg, klifrugrindur á leikvöllum, skápar, húsasund, gámar, sturtuklefar, mátunarklefar, miðasölubox og svo mætti lengi telja eru ákjósanlegir staðir svo lengi sem ekki þarf að leggjast niður.

Svo er Guð líka alltaf að kvitta undir, Ég er Drottinn. Endar hann iðulega á því að kvitta undir lagakrókana svo ekki verði um villst.

Þeir gerðu þessi fatal mistök í Sódómu og Gómoru, enda mjúkt gras og náttúrfegurð á sléttunum mjúkar pullur hjá hirðingjunm...

Genesis 19, while Lot is in Sodom.

"...all the men from every part of the city of Sodom, both young and
old, surrounded the house. They called to Lot, "Where are the men who
came to you tonight? Bring them out to us so that we can have sex with
them." Lot went outside to meet them and shut the door behind him and
said, "No, my friends. Don't do this wicked thing..."(Gen 19:4-7 NIV)

Eða á íslensku

"...Og þeir kölluðu á Lot og sögðu við hann: "Hvar eru mennirnir, sem komu til þín í kveld? Leið þú þá út til vor, að vér megum kenna þeirra." Lot gekk þá út til þeirra, út fyrir dyrnar, og lokaði hurðinni að baki sér. Og hann sagði: "Fyrir hvern mun, bræður mínir, fremjið ekki óhæfu. Sjá, ég á tvær dætur, sem ekki hafa karlmanns kennt. Ég skal leiða þær út til yðar, gjörið við þær sem yður gott þykir. ..."

ómægaaad, hann bara sendir dætur sínar út í múginn.. 

..Og sjá, eldi og brennisteini ringdi yfir Sódómu og Gómóru... Abraham spurði Guð hvort líka ætti að drepa hina réttlátu og svarið virðist hafa verið já… (nema Lot og dætur hans, þeim var komið undan)

Kill em all, let god sort em out... Þekkt slagorð úr krossferðunum og bandaríska hernum.

Kirkjan er tímaskekkja.

Gifting er andlegt einkamál.

Hvað er ríkisrekin úrelt stofnun að gera inni í svefnherbergi hjá fólki?

Ég er Gunnhildur, systir yðar, lifið heil.
(höfundur er ekki guðfræðingur en hefur yndi af biblíulestri)


vás

oh töff, hún getur sagt "fréttir af andláti mínu eru stórlega ýktar" 


mbl.is Enn á lífi þrátt fyrir fregnir um hið gagnstæða
Tilkynna um óviðeigandi tengingu við frétt

Almennt um fordóma

I. Fordómar.

Hvað ætlaði ég að skrifa um? Ég fór að hugsa um fordóma vegna umræðna á Jenníarbloggi í vikunni, ýmislegt sem þar kemur fram áhugavert. Ég er sjálf ekki á móti endurútgáfu bókarinnar "Tíu litlir negrastrákar" eða "Ten little niggers" þó hún ætti frekar heima á bókasafni sem söguleg antík, barn-síns-tíma og allt það en fyrst einhver vill endur-útgefa hana kannski útaf Muggi og listrænu sjónarmiði set ég mig ekki upp á móti því.
Ég set mig hinsvegar upp á móti því þegar fólk ætlar að lýsa því yfir að það sé ekki að finna kynþáttafordóma í þessari rímu.
Það eru AUGLJÓSIR KYNÞÁTTAFORDÓMAR í henni enda gefin út á tíma þar sem fordómar voru ekki kallaðir fordómar heldur þótti það bara almennur sannleikur að blökkumenn væru heimskari og latari en hvítir menn en nú vitum við ÖLL betur (er það ekki annars alveg örugglega?). Þessi bók er ekki stórskaðleg lengur. Vísan furðuleg og teikningarnar magnaðar fyrir margra hluta sakir í íslensku og/eða sögulegu samhengi... alltsaman ágætis umræðugrundvöllur raunar.

Ef ég væri blökkumaður... ég veit ekki almennilega hvort ég mundi taka hana nærri mér eða líta á hana sem hluta af sögunni. Hún er móðgandi það eru alveg hreinar línur.

En að afneita því að það séu fordómar í bókinni er alveg furðulegt og í raun hættulegt viðhorf.
Og afhverju skyldi einhver vilja afneita því að það séu kynþáttafordómar í þessari bók? Ríman var skrifuð og gefin út á tíma þegar kynþáttafordómar og trú á að hvíti kynstofnin væri æðri öðrum var almenn. Hún var samin þegar þrælahald viðgekkst og var kannski rétt að byrja að þykja eitthvað athugavert fyrir sérvitra aktívista síns tíma. (1868 kom hún fyrst út á prenti) og þessvegna eru einfaldlega alveg augljósir fordómar í henni.
Það er bara þarna alveg borðleggjandi augljóst.
Ég veit ekki nákvæmlega hvenær Tinni í Kongó var gefin út en það var um svipað leiti og Belgar voru sem iðnastir við að murka lífið úr Kongó. Alveg merkilega ósmekkleg bók líka.
Og nú á að endurútgefa. Hún er á margan hátt merkileg en hún er tímaskekkja. Það er margt tímaskekkja. Mér finnst Biblían vera tímaskekkja en ég vill ekki banna endurútgáfu á henni þó ég sé ósammála því að ég fari á blæðingar og gangi í gegnum kvalir við að eiga börn vegna þess að Eva smakkaði epli og tældi Adam til að fá sér bita... og möööörguuuu öðruuuu í henni.

"æji oh ég er með erfðarsyndina, ég nenni ekki út ég ætla bara að fá mér heitt kakó og leggjast uppí rúm, bíða bara þar til guð er búin að refsa mér."

Í umræðum í Jenníarbloggi virtist hún og allir sem vildu meina að það væru kynþáttafordómar í bókinni "Tíu littlir negrastrákar" eða "Ten little niggers", þ.á.m. ég, alltíeinu vera orðnir fánaberar þess að vera algerlega á móti þessari bók og jafnvel þess að banna hana, hvaðan sem sú humynd kom. Ég er það ekki, en ég er algerlega á móti því að afneita fordómum.
Og þá fór ég að hugsa um fordóma og hvort ég væri fordómalaus sem ég vissi náttúrulega að ég væri ekki en það er ágætt að líta stundum á eigin fordóma svolítið almennilega í amstri dagsins.

II. Fordómar Gunnhildar.

Ég er sjálf haldin alskonar fljótfærnislegum og vanhugsuðum fordómum.
Td útí ýmsar þjóðir;
Þjóðverjar: rökfastir og húmorslausir, gáfaðir...
Hollendingar: Kjaftorir, hreinskilnir og furðulega þröngsýnir í rómaðri víðsýni sinni...
Danir: Ligeglad, næs, bjórdrekkandi smáborgarar upptil hópa...
Íslendingar: Fljótfærnir, skammsýnir, neysluklikkaðir... ofl ofl... (ótrúlega pirrandi þjóð)
Ammríkanar: Frábærir og skemtilegir en rosalega fíbblalegir í stjórnmálum og afturábak upptil hópa...
Kínverjar: duglegir, strangir, hógværir, listfengnir...
Tyrkir, þröngsýnir og óheiðarlegir en mjög litríkir
Japanar: Agaðir heiðursmenn..... blaaahhh blaaahhhhh
Ég á endalausa svona bráðskemmtilega sleggjudóma í pússi mínu. Maður á ekki að láta svona útúrsér á opinberum vettvangi en ég bara sísvona læt þetta flakka og vona að mér fyrirgefist heimskan.

Sennilega er ég mest fordómafull útí trúarbrögð, ég lít á þau sem alvarlegt manipjúlatíft valdatæki, uppsprettu valdagræðgi og allmennrar illsku í heiminum þó  þau séu "fín" útfrá listrænu sjónarmiði. Ég er fordómafull útí ýmsilegt fleira en ég ætla að líta aðeins nánar á þessa trúarbragðafordóma mína.
Ég er með fordóma fyrir Krisni. Mér finnst óþolandi að kirkjan vilji ekki gefa saman samkynhneigða núna strax, allstaðar í heiminum skilyrðislaust.. og mér finnst alveg fullt, fullt af kristnum skoðunum og gildum gjörsamlega óþolandi og ég þoli ekki þessa stofnun sem í sjálfréttlætingu kærleika hefur troðið á fólki í gegnum aldirnar og ég get bara ekki horft frammhjá því. Ég, Gunnhildur Hauksdóttir, er einnig raunvörulega fordómafull gagnvart Múslimum, þeir eru mér framandi.

Ég hef líka orðið fyrir fordómum sem síðan ólu af sér fordóma mína (ekki það að ég sé neitt að afsaka mig). Í þeim borgum sem ég hef búið í hef ég kosið að búa í "innflytjendahverfum" þau er langskemtilegust, ódýrust, fjörbreytilegust, besti maturinn þar og allt það. Ég bjó í Austur-miðbæ Amsterdam í rúm tvö ár og í Kreuzberg í Berlín í tvö ár. Nú er ég flutt í "hvítt", "ungt", borgaralegt hverfi í Berlín og það er mikið leiðinlegra og einsleitara þó það sé alveg fínt. En þegar ég bjó í þessum "tyrkjahverfum" varð ég stundum fyrir ægilegum fordómum. Sérstaklega í Amsterdam. Ég bjó þar á suðupunkti, rétt áður en Vincent Van Gogh morðið var framið í Osterpark sem var rétt hjá þar sem ég bjó. Ef ég fór t.d. út í þvottahús á heitum deigi að þvo þvottinn minn, var kanski klædd í pils og hlýrabol, setti í vél, labbaði mér svo kanski útí ísbúð á meðan vélin var að þvo, í miðri bissí götu um hábjartan dag. Þá var stundum hrækt á eftir mér af karlmönnum. Mér var gefið verulega illt auga eða það var gólað á mig og tungan rekin út á einhverskonar kynferðislegan hátt og brosað kankvíslega. Ég svaraði aldrei fyrir mig en mér þótti þetta leitt. Það getur verið varhugavert að svara fyrir sig, ein stelpa sem ég kannast við var barin fyrir það. Þeim fannst ég klædd einsog hóra. Ég geri ráð fyrir að þeir sjái vestrænar "hórur" í glanstímaritum glenna sig og þeim fannst ég vera eins og þær og annaðhvort fyrirlitu mig fyrir það eða skildu ekki afhverju ég vildi ekki tala við þá og bara hreinlega kíkja með þeim inní húsasund og leyfa þeim að tékka betur á mér fyrst ég var að glenna mig svona berleggjaða.

KLASH!!!

Annar menningarheimur beint oní nefinu á mér og ég varð fyrir barðinu á því. Minn menningarheimur og þeirra KLASSH BÚMM krassaði oft í sólskininu og mér þótti það leitt. Stundum varð ég ótrúlega reið og fannst þeir ömurlega heimskir og viðbjóðslega dónalegir sem þeir náttúrulega voru og ég þróaði með mér fordóma útí þá. Útí heiðursmorðin og meinta meðferð á konum í múslimasamfélögum og ýmislegt fleyra. Ég er ekki laus við þessa fordóma. Ég "skil ekki og veit ekki" margt í samfélagi múslima, Eg hef talað við Islam-trúar kunningja mína um þetta og þeir eru oft jafn bitrir útí sitt fólk og ég útí kristna bræður mína og systur (Bush bróðir minn er t.d. alveg að gera mig gráhærða). Ég sé enga lausn í sjónmáli í þessu vonlausa ömurlega trúarbragða-/valda-/peninga- stríði sem við eigumst við í veröldinni í dag. Nema umburðarlyndi. En umburðarlyndi og trúarbrögð bara virðast als ekki fara saman og trúarbrögð virðast fylgja mannkyninu frá örófi sóldýrkandi Egypta og örugglega mun lengra aftur svo þetta virðist vonlaust. Við munum halda áfram að slátra hvort öðru og hata hvort annað í nafni "réttra skoðanna" / trúarbragða og/eða peninga í langan tíma áfram held ég (nema hugsanlega að það komi alien invasion sem sameinar okkur sem tegund).
Ég sé það ekki breytast í fyrirsjáanlegri framtíð einsog ástandið og viðhorfið er í heiminum. Við murkum lífið úr hvoru öðru og niðurlægjum hvort annað á meðan við getum þar til jökklarnir bráðna og jörðin sekkur í sæ útaf skammsýni okkar og græðgi.
Syndaflóð?

III. Lausn

Ég get ekkert gert nema eins og Michael Jackson bauð og horfa í spegilinn og afneita ekki eigin fordómum. Reyna að vera opinská með þá og ræða þá upphátt við sjálfa mig og aðra og standa upp þegar mér er ofboðið. Heimurinn er jú og verður amk hálffullur af hálfvitum ekki satt? Amk frá mínum bæjardyrum séð. Við erum svo frumstæð.

Ég vona að börn innflytjenda í vel upplýstu, vestrænu heimalandi mínu Íslandi verði ekki fyrir aðkasti í skólum og vona sannarlega að endurútgáfa þessarar blessuðu bókar verði ekki til þess. Ég hef reyndar orðið vitni að slíku aðkasti meðal barna á Íslandi og það tekur mig ótrúlega sárt. Ég vona að íslensk stjórnvöld geri ekki sömu mistök og margar þjóðir í innflytjendamálum heldur mennti fólk grimmt um alla þessa spennandi, fjölbreyttu og ólíku menningarheima sem færast nær og nær með hnattvæðingunni og alla verðandi Íslendinga um íslenskt réttarfar, menningu og tungu svo allir geti lifað jafn réttháir og meðvitaðir í göfugu, fjölbreyttu samfélagi manna.

Og hvað hefur þetta allt með tíu littla negrastráka að gera? Litlu kjána krúttinn. Kanski að bókin ætti að heita "Tíu litlir Múslimar" í dag ef hún á að standa undir fornri frægð fordómanna ganvart blökkumönnum sem hún stóð fyrir. Fordómum sem ættu nú að vera úrelltir en eru það barasta ekki baun.

Það er engin lausn, við eigum of langt í land.

Lifið heil.

mbl.is Rætt um negrastráka, svertingja og tíu litlar húsmæður í Alþjóðahúsinu
Tilkynna um óviðeigandi tengingu við frétt

Nú geta þeir ráðist inní norður Írak.

Tyrkir hótuði líka öllu illu þegar Frakkar settu í lög að það kalla þessi morð genocide, en svo varð eitthvað lítið úr þeim orðum hjá þeim.

Ég spái því að tyrkir sjái sér leik á borði að ráðast inní Norður-Írak (kúrdaland) núna þegar þeir meiga vera óþekkir við bandaríkin. Þar er olía og þeir geta kroppað í Kúrda um leið.

Ég kalla hér með eftir því aftur að tyrknesk stjórnvöld gangist við þjóðarmorðum á Armenum og taki ábyrgð. Verði meiri fyrir vikið! 

Vísa í skrif mín um sama efni hér á þessu bloggi.


mbl.is Tyrkir fordæma atkvæðagreiðslu um þjóðarmorð í Bandaríkjunum
Tilkynna um óviðeigandi tengingu við frétt

Næsta síða »

Innskráning

Ath. Vinsamlegast kveikið á Javascript til að hefja innskráningu.

Hafðu samband